Mol-mulk ulushi bo‘yicha 722,1 mln so‘m davlat boji undirildi
Bu haqda Majburiy ijro byurosi ma’lum qildi.
Toshkent shahrining Olmazor tumanida fuqarolik ishi yuzasidan olib borilgan ijro harakatlari davomida davlat foydasiga jami 722,1 million so‘m miqdorida boj undirildi. Bu haqda Majburiy ijro byurosi ma’lum qildi.
Shayxontohur tumanlararo sudining qaroriga ko‘ra, T.M. foydasiga B.B.dan turmush davrida orttirilgan umumiy mulkning ½ ulushi — 9,2 milliard so‘mlik avtosalon binosi qismi undirildi. Shuningdek, binoga egalik huquqi to‘liq qarzdorga o‘tishi belgilangan.
Bundan tashqari, qarzdor erkakdan 370 million so‘m, unduruvchi ayoldan esa 353 million so‘m atrofida davlat boji undirish yuzasidan alohida ijro hujjati kelib tushgan.
Tomonlarga huquq va majburiyatlar tushuntirilgach, ular o‘zaro kelishuvga erishdi. Natijada, ijro hujjatlari qonunchilikka muvofiq tamomlandi va bojlar to‘liq undirildi.
