Xitoy kompaniyasida qattiq jarimalar joriy qilindi
Endilikda ish stolida ovqatlanish jarimaga sabab bo‘ladi.
Xitoyning yirik mebel ishlab chiqaruvchisi Man Wah Holdings Ltd o‘z xodimlari uchun joriy qilgan qat’iy va noodatiy ichki qoidalar bilan ijtimoiy tarmoqlarda jiddiy e’tirozlarga sabab bo‘ldi. Kompaniya ish muhitidagi oddiy harakatlar uchun keskin jarimalarni joriy etdi — masalan, ish joyida ovqatlanish yoki nometall (oyna, sendvich folgasi va hokazo) dan foydalanish uchun ham moliyaviy jazolar belgilangan.
South China Morning Post'ning yozishicha, kompaniyaning ichki qoidalari sizib chiqqan hujjatlar orqali ommaga ma'lum bo‘ldi. Unga ko‘ra, har bir qoidabuzarlik uchun to‘lanadigan jarimalar xodimning lavozimiga qarab belgilanadi:
- Menejerlar – 280 dollar,
- Nazoratchilar – 140 dollar,
- Menejer yordamchilari – 70 dollar.
Yangi reglamentga ko‘ra xodimlar ish kunida olti marta ro‘yxatdan o‘tishlari kerak, bu esa tanaffus imkoniyatini deyarli yo‘qqa chiqaradi. Ish vaqtida ovqatlanish qat’iyan taqiqlanadi.
Qoidabuzarlik holatlari nafaqat jarima, balki ishdan bo‘shatish yoki ish haqining pasaytirilishi bilan yakunlanishi mumkin.
Kompaniya rahbari esa bu choralarni quyidagicha izohladi: “Men bu jarimalardan yig‘ilgan pullarni chinakam mehnatkash xodimlar uchun mukofotga aylantiraman”.
Biroq bunday yondashuv Xitoy internet foydalanuvchilari orasida jiddiy norozilikka sabab bo‘ldi. Ko‘pchilik bu siyosatni “diktatura”, “mehnat huquqlarini buzish” va “noinsoniy boshqaruv” deb atamoqda.
