Elektrga noqonuniy ulangan fuqaro jarimaga tortildi
10 mln so‘mlik zarar MIB orqali undirilgan.
2024 yil 14 noyabr kuni o‘tkazilgan tekshirishda fuqaro J.N. tomonidan shartnomasiz va ruxsatsiz ravishda dala shiyponida elektr energiyasi tarmog‘iga ulangani aniqlandi.
Tekshiruv natijasida maʼlum bo‘lishicha, fuqaro noqonuniy harakati bilan Koson tuman elektr taʼminoti korxonasiga 9 mln. 357 ming so‘m zarar yetkazgan.
Jinoyat ishlari bo‘yicha Koson tuman sudining qaroriga ko‘ra, J.N. Maʼmuriy javobgarlik to‘g‘risidagi kodeksning 101-moddasi bilan aybli deb topilib, 2 mln. 260 ming so‘m jarima jazosi tayinlandi.
Byuroning Koson tuman bo‘limi tomonidan ijro harakatlari samarali amalga oshirildi va zararni qoplash taʼminlandi.
