Tog‘li hududlarda sel xavfi e’lon qilindi
Andijon, Namangan va Farg‘onada sel yuzaga kelishi mumkin.
O‘zbekiston Gidrometeorologiya xizmati 20–22-iyun kunlari respublikaning tog‘ oldi va tog‘li hududlarida kuchli yomg‘irlar sababli sel va suv toshqinlari yuzaga kelishi mumkinligi haqida ogohlantirdi.
Ogohlantirish quyidagi hududlarga tegishli:
- Toshkent viloyati: Ohangaron, Bo‘stonliq, Parkent, Piskent, O‘rtachirchiq, Yuqorichirchiq tumanlari hamda Angren va Olmaliq shaharlari.
- Namangan viloyati: Pop, Kosonsoy, Chortoq, Chust, Namangan va Yangiqo‘rg‘on tumanlari.
- Farg‘ona viloyati: So‘x, Shohimardon, Farg‘ona, Beshariq tumanlari.
- Andijon viloyati: Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod, Marhamat tumanlari hamda Xonabod shahri.
Mutasaddilar tog‘ oldi va tog‘li hududlarda yashovchi yoki u yerda sayohatda bo‘lishni rejalashtirgan fuqarolardan ehtiyotkorlikni kuchaytirishni, sel xavfi bo‘lgan joylarda harakatni cheklashni tavsiya qilishmoqda.
Tegishli xizmatlar va favqulodda holatlar bo‘yicha tuzilmalar doimiy kuzatuv olib bormoqda.
