Tramp Nobel mukofotiga tavsiya etildi
Bu haqda Pokiston hukumati rasmiy sahifasi orqali ma’lum qilgan.
Pokiston hukumati AQSh prezidenti Donald Trampni 2026-yil Nobel Tinchlik mukofotiga nomzod sifatida ko‘rsatdi. Bu qaror uning Hindiston-Pokiston mojarosini hal etishdagi diplomatik sa’y-harakatlari sababli qabul qilingan.
Bu haqda Pokiston hukumati "X" ijtimoiy tarmog‘idagi rasmiy sahifasi orqali ma’lum qilgan. Trampning so‘nggi inqiroz davridagi qat’iy diplomatik aralashuvi va yetakchilik roli alohida e’tirof etilgan.
Rasmiy bayonotda Trampning Kashmir masalasidagi uzoq yillik nizoni hal qilish bo‘yicha samimiy takliflari yuqori baholangani ta’kidlangan. Bu mojarolar mintaqaviy beqarorlikning asosiy omillaridan biri hisoblanadi.
2025-yilda yuz bergan Pokiston-Hindiston inqirozi vaqtida Tramp ko‘rsatgan liderlik uning amaliy diplomatiyasi va samarali tinchlik o‘rnatish merosining davomchisi ekanini ko‘rsatdi, deyiladi xabarda.
