Eron ham va nihoyat sulh kuchga kirganini eʼlon qildi
Shuningdek, har qanday tajovuzkor harakatga keskin javob qaytarilishini ham eslatib qo‘ydi.
Eron Milliy xavfsizlik kengashi o‘t ochishni to‘xtatish rejimi kuchga kirgani haqida bayonot eʼlon qildi.
Eron Oliy Milliy Xavfsizlik Kengashi kotibiyati bayonotida 12 kunlik urush davomida “har bir dushman fitnasiga keskin javob” berilgani va “xalqning mislsiz birligi" taʼkidlab o‘tilgan.
“Xalqning oqilona tutumi, dono rahbarlik va jangchilarimizning kurashi tufayli ilohiy inʼom, yordam va g‘alaba nasib etdi. Bu dushmanni pushaymon bo‘lishga, mag‘lubiyatini tan olishga va bir tomonlama hujumni to‘xtatishga majbur qildi”, deyiladi bayonotda.
Milliy xavfsizlik kengashi, shuningdek, “dushmanlarning so‘zlariga zarracha ishonmasligini” va har qanday tajovuzkor harakatga “keskin va hal qiluvchi javob berishga” tayyor ekanini qayd etgan.
