O‘zbekiston tarixida davlat boshqaruvi sohasidagi ilk xalqaro tadbir

23–25-iyun kunlari Samarqand shahri BMT’ning Davlat Xizmati Forumi (UNPSF 2025)ga mezbonlik qilmoqda. Bu forum — O‘zbekiston tarixida davlat boshqaruvi sohasida o‘tkazilgan ilk va eng yirik xalqaro tadbir hisoblanadi. Prezident Shavkat Mirziyoyev forum ishtirokchilariga tabrik yo‘lladi. Tadbirni esa Prezident administratsiyasi rahbari Saida Mirziyoyeva ochib berdi.

 

Mazkur forum "2030-yilgacha besh yil: Barqaror kelajak uchun davlat xizmatlarini ko‘rsatishni jadallashtirish" mavzusiga bag‘ishlandi. “Zamon.uz” muxbiri Gavhar Ziyodullayeva forumning dastlabki ikki kunidan fotoreportaj tayyorladi.

 

 

 

 

 

 

 

Ishtirokchilar orasida Yevropa, Osiyo, Lotin Amerikasi va Afrika, jumladan, Fidji, Samoa va Butan kabi kichik davlatlardan rekord darajada vazirlar hamda davlat xizmatiga mas’ul tashkilotlar rahbarlari bor edi.

 

Shuningdek, xalqaro va mintaqaviy tashkilotlar, ilmiy doiralar, fuqarolik jamiyati, xususiy sektor vakillari va innovatsion yetakchilar ham qatnashishdi.

 

 

 

 

 

 

 

 

 

 

Forum dasturida yalpi majlislar, sohaviy muhokamalar, strategik muloqotlar va ilg‘or amaliyotlar taqdimotlari o‘rin oldi. Ularning asosiy maqsadi — global muammolar va o‘zgaruvchan sharoitlarda davlat xizmatlari sifatini raqamli transformatsiya orqali jamiyatning har bir qatlamiga birdek yetkazishni ta’minlashdan iborat bo‘ldi. Xususan, imkoniyati cheklangan shaxslar, keksa yoshdagilar va ijtimoiy jihatdan himoyasiz qatlamlarga xizmat ko‘rsatishda inklyuzivlik masalasi alohida e’tiborga olindi.

 

Raqamli transformatsiya faqat davlat xizmatlari bilan cheklanmay, elektron moliya, fintech yechimlari, elektron tijorat, ma’lumotlar tahlili va raqamli iqtisodiyotning boshqa yo‘nalishlarini ham qamrab oldi.

 

 

 

 

 

 

 

 

 

 

Forum BMT Iqtisodiy va ijtimoiy masalalar departamenti (UN DESA), O‘zbekiston Respublikasi Raqamli texnologiyalar vazirligi, Prezident huzuridagi Davlat xizmatini rivojlantirish agentligi va Strategik islohotlar agentligi hamkorligida tashkil etildi.

Gavhar Ziyodullayeva, jurnalist