Samarqanddagi shina do‘koni yonib ketdi
Yong‘in yarim soatdan ortiq vaqt davomida o‘chirilgan.
Bugun, 25-iyun kuni Samarqand shahridagi do‘konlardan birida yirik yong‘in kelib chiqdi. Bu haqida viloyat Favqulodda vaziyatlar boshqarmasi maʼlumot berdi.
Qayd etilishicha, soat 15:05 da Samarqand shahar Spitamen shohko‘chasida joylashgan skuterlar va avtomobil shinalarini sotish do‘konida yong‘in sodir bo‘layotganligi to‘g‘risida xabar kelib tushgan.
Xabarga asosan, yong‘inni o‘chirish uchun 4 ta yong‘in-qutqaruv ekipaji soat 15:10 da voqea joyiga borib, yong‘in 15:21 da o‘rab olingan va soat 15:46 da to‘liq bartaraf etilgan.
