Bugun O’zbekistonda harorat biroz pasayadi
Ayrim joylarda shamol bo’lib, chang to’zonlari ko’tarilishi mumkin.
“O’zgidromet” O’zbekistonda 26 iyun kuni kutilayotgan ob-havo ma’lumotini e’lon qildi. Qayd etilishicha, bugun respublikada harorat 33-39 daraja atrofida bo’ladi.
Jumladan:
Toshkentda havo biroz bulutli bo‘ladi, vaqti-vaqti bilan o‘zgarib turadi, yog‘ingarchilik bo‘lmaydi. Ayrim joylarda shamolning tezligi chang-to‘zonlari bilan birga sekundiga 10-12 metrgacha kuchayishi mumkin. Kechasi 21-23 daraja iliq, kunduzi 31-33 daraja issiq bo‘ladi.
Qoraqalpog‘iston Respublikasi va Xorazm viloyatida o‘zgarib turadi, yog‘ingarchilik bo‘lmaydi. Kechasi 16-21 daraja iliq, kunduzi 28-33 daraja issiq bo‘ladi.
Buxoro va Navoiy viloyatlarida kechasi 19-24 daraja iliq, kunduzi 30-35 daraja issiq bo‘ladi.
Toshkent, Samarqand, Jizzax va Sirdaryo viloyatlarida esa ayrim joylarda shamolning tezligi chang-to‘zonlari bilan birga sekundiga 13-18 metrgacha kuchayishi mumkin. Kechasi 19-24 daraja iliq, kunduzi 30-35 daraja issiq bo‘ladi.
Qashqadaryo va Surxondaryo viloyatlarida kechasi 21-26 daraja iliq, kunduzi 34-39 daraja issiq bo‘ladi.
Andijon, Namangan va Farg‘ona viloyatlarida havo biroz bulutli bo‘ladi, baʼzi joylarda o‘zgarib turadi, yog‘ingarchilik bo‘lmaydi. Kechasi 22-27 daraja iliq, kunduzi 30-35 daraja issiq bo‘ladi.
