Jizzaxda “er qidirgan qizlar” ortidan ikki shaxs javobgarlikka tortildi
Kelinlik libosidagi qizlarning chiqishlari katta muhokamalarga sabab bo‘lgan edi.
Avvalroq shahardagi ko‘chalarda “Er kerak” degan yozuv tushirilgan plakatlarni ko‘tarib, kelinlik libosidagi 8 nafar qiz ishtirok etgan reklama videosi ijtimoiy tarmoqlarda keng muhokamalarga sabab bo‘lgan edi. Jizzaxda sodir bo‘lgan voqea ortidan ushbu rolik ishtirokchilari bilan tushuntirish ishlari olib borilgan.
Jizzax shahrida ommaviy e’tiborni tortgan reklama roligidan so‘ng go‘zallik saloni rahbari va ijtimoiy tarmoq blogeri ma’muriy javobgarlikka tortildi. Bu haqda tegishli idoralar xabar bermoqda.
Rasmiy ma’lumotlarga ko‘ra, holat yuzasidan salon rahbari va blogerga nisbatan ma’muriy ish yuritilib, ular sud tomonidan huquqbuzar deb topildi. Natijada, har ikkisi eng kam ish haqining 15 baravari — 5,6 million so‘m miqdorida jarimaga tortildi.
