Qidiruvda bo‘lgan 12 nafar shaxs BAAdan O‘zbekistonga ekstraditsiya qilindi
Ular turli jinoyatlarni sodir etganlikda gumon qilinib, Interpol orqali qidiruvga berilgan edi.
Хalqaro qidiruvda bo‘lgan 12 nafar fuqaro Birlashgan Arab Amirliklaridan (BAA) O‘zbekistonga olib kelindi. Bu haqda IIV matbuot xizmati xabar berdi.
Ma’lum qilinishicha, ular turli jinoyatlarni sodir etganlikda gumon qilinib, Interpol orqali qidiruvga berilgan edi. Uch nafar fuqaroning topshirilishi BAA tomonidan rasman tasdiqlandi.
Mazkur ish Interpolning O‘zbekiston va Abu-Dabidagi Milliy markaziy byurolari o‘rtasidagi hamkorlik doirasida amalga oshirildi. Uchrashuv davomida tomonlar qidiruvdagi jinoyatchilar va gumonlanuvchilar ro‘yxatini almashdi hamda 12 nafar fuqaroning ekstraditsiyasi bo‘yicha kelishuvga erishdi.
Bu O‘zbekiston huquq-tartibot organlarining xalqaro jinoyatchilikka qarshi kurashda olib borayotgan faol ishlarining navbatdagi namunasi bo‘ldi.
Ma’lumot uchun, 2021-yilda Sankt-Peterburgda sodir etilgan qotillik jinoyati bo‘yicha qidiruvda bo‘lgan o‘zbekistonlik shaxs ham yaqinda Salvadordan ekstraditsiya qilingan edi. Shuningdek, Rossiyada 9 million dollarlik talon-torojlikda ayblangan fuqaro 15-may kuni O‘zbekistonga qaytarildi. Interpol orqali qidiruvda bo‘lgan bir ayol esa BAAdan chiqarib yuborilgan edi.
