1-iyuldan boshlab Toshkent–Tel-Aviv reyslari qayta tiklanadi
Shuningdek, Eron havo hududidan foydalanishdagi cheklovlar tufayli joriy qilingan Toshkent–Dubay va Toshkent–Sharm al-Shayx yo‘nalishlaridagi o’zgatirishlar ham o’z o’rniga qaytariladi.
Uzbekistan Airways 2025-yil 1-iyuldan boshlab Toshkent — Tel-Aviv — Toshkent yo‘nalishidagi parvozlarni yana odatdagi jadval asosida amalga oshirishini ma’lum qildi.
Avvalroq,16-iyundan 30-iyungacha bo‘lgan davrda mazkur yo‘nalishdagi reyslar Tel-Avivdagi Ben-Gurion xalqaro aeroportining yopilishi sababli vaqtincha to‘xtatilgan edi.
Shuningdek, Eron havo hududidan foydalanishdagi cheklovlar tufayli iyun oyining oxirigacha Toshkent–Dubay va Toshkent–Sharm al-Shayx yo‘nalishlarida ham vaqtinchalik o‘zgarishlar joriy etilgandi.
Aviakompaniya yo‘lovchilarga o‘z vaqtida va xavfsiz parvozlarni ta’minlash bo‘yicha barcha zarur choralarni ko‘rmoqda.
