Uy savdosi endi naqdsiz bo‘ladi
Mulk oldi-sotdisi bo'yicha yangi tartib joriy etiladi.
O‘zbekistonda ko‘chmas mulk oldi-sotdisini naqdsiz shaklga o‘tkazish rejalashtirilmoqda. Bu haqda 26-iyun kuni bo‘lib o‘tgan Senat yig‘ilishida Soliq qo‘mitasi raisining birinchi o‘rinbosari Mubin Mirzayev ma’lum qildi. Unga ko‘ra, yangi tartib yashirin iqtisodiyotga qarshi tizimli kurashda muhim qadam bo‘ladi.
Prezident Shavkat Mirzayevning so'zlariga ko'ra, prezident qarori loyihasi ishlab chiqilib, unda naqdsiz to‘lovlarni rag‘batlantirishga alohida urg‘u berilgan. Barcha vazirlik va idoralar bilan muvofiqlashtirilgan hujjat hozirda prezident administratsiyasiga taqdim etilgan. Qaror kuchga kirgach, dastlab ko‘chmas mulk savdosi naqdsiz hisob-kitob asosida amalga oshiriladi.
Hozirda uy sotish va xarid qilish ko‘pincha naqd pul orqali amalga oshiriladi. Yangi mexanizm bu jarayonni bank aylanmasi orqali rasmiylashtirishni maqsad qilgan. Shuningdek, savdo qoidalariga rioya qilish va qonuniylikni mustahkamlash ham rejaning asosiy yo‘nalishlaridan biri sanaladi.
So‘nggi ma’lumotlarga ko‘ra, 2024-yilda O‘zbekistonda uy narxlari fundamental qiymatidan 17 foizga yuqori bo‘lgan. O‘tgan yili 329 mingta uy sotilgan bo‘lsa-da, bu 2023-yilga nisbatan 2,2 foizga kam. Pasayishga ipoteka cheklovlari va narxlarning qisman reallashuvi sabab bo‘lgan.
