Elektrdan qarzi bor tadbirkorlar transformatorlaridan ayrildi
MIB va HET tomonidan qarzdorlikka qarshi keskin choralar ko‘rildi.
Jizzax viloyatining Zomin tumanida Majburiy ijro byurosi hududiy elektr tarmoqlari korxonasi bilan hamkorlikda qarzdorlikka qarshi keskin choralar ko‘rildi. Qarzdor tadbirkor va fermer xo‘jaliklariga tegishli bo‘lgan transformatorlar qarzdorlik evaziga xatlandi.
Kelgusida ushbu mulklar auksion savdolarida sotilib, tushgan pullardan mavjud qarzdorliklar qoplanadi. Bu tadbirkorlar uchun jiddiy ogohlantirish bo‘ldi.
“Majburiy ijro byurosi tomonidan elektr energiyasi uchun to‘lov intizomini mustahkamlash bo‘yicha saʼy-harakatlar davom ettiriladi”, deyiladi xabarda.
