G‘ijduvondagi bog‘chada tarbiyachi bolalarni kaltakladi
Hozirda u bilan tuzilgan mehnat shartnomasi bekor qilingan.
Ijtimoiy tarmoqlarda Buxoro viloyatining G‘ijduvon tumanidagi 53-davlat maktabgacha taʼlim tashkiloti tarbiyachisining bolalar bilan qo‘pol munosabati aks etgan videolavha tarqaldi. Holatga viloyat Maktabgacha va maktab taʼlimi boshqarmasi munosabat bildirdi.
Qayd etilishicha, videotasvirda aks etgan holat joriy yilning 27 may kuni yuz bergan, o‘z lavozim majburiyatlarini qo‘pol ravishda buzgan tarbiyachi M.A bilan tuzilgan mehnat shartnomasi tashkilot direktorining 2025 yil 30-iyundagi buyrug‘i asosida bekor qilingan.
“Ayni paytda maktabgacha taʼlim tashkilotida bunday holatni yuzaga keltirgan sabablar batafsil o‘rganilib, bu borada mavjud kamchiliklarni bartaraf etish choralari ko‘rilmoqda”, deyiladi xabarda.
