Toshkentda “Rohat” aylanma yo‘li vaqtincha yopildi
Shu sababli ayrim avtobus yo‘nalishlari o‘zgartirildi.
Bugun, 2 iyul kuni Toshkent shahar Yashnobod tumanidagi “Rohat” aylanma yo‘lida avtomobil harakati vaqtincha yopilishi sababli, ushbu hudud orqali harakatlanuvchi 26, 54, 110, 119, 128, 174-sonli avtobus yo‘nalishlarining harakati quyidagicha o‘zgartiriladi:
Shaharning markaziy qismi tomon: THAY – Ohangrabo – Uysozlar – Uysozlar-2 – Izzat – Shohimardon – Ohangaron shox ko‘chasi orqali.
Qaytish yo‘nalishi:Shohimardon – Katta Yangiobod – Shohsanam – Tolqariq – THAY ko‘chalari orqali.
“Yo‘l taʼmirlash ishlari davomida transport harakati cheklanishi va tirbandliklar yuzaga kelishi mumkin. Zarurat tug‘ilganda yo‘nalishlarga qo‘shimcha o‘zgartirishlar kiritilishi mumkinligini maʼlum qilamiz”, deyiladi xabarda.
