Toshkent tumanida tunda uy yonib ketdi
Olov salkam 1,5 soatda o‘chirilgan.
Bugun, 4 iyul Toshkent viloyati Toshkent tumanidagi uylardan birida yong‘in yuz berdi. Bu haqida FVV matbuot xizmati xabar bermoqda.
Qayd etilishicha, soat 02:42 da “Sag‘bon” MFY Fitrat ko‘chasida joylashgan uylarning birida yong‘in ro‘y berganligi to‘g‘risida FVBga xabar kelib tushgan.
Shunga ko‘ra, 4 ta yong‘in-qutqaruv ekipajlari soat 02:48 da voqea joyiga yetib borib, yong‘in soat 03:10 da o‘rab olingan va soat 04:05 da o‘chirilgan.
Yong‘in natijasida uyning 140 kvadrat metr maydonda shifti, tomi, ichki qismi va jihozlari yongan. Tan jarohati olgan fuqarolar to‘g‘risida maʼlumot kelib tushmadi.
