Toshkentda "Tico" 3 yoshli bolani urib yubordi
Bola shifoxonaga olib ketilgan, surishtiruv ishlari olib borilmoqda
2025-yil 8-iyul kuni, soat 13:30 larda Toshkent shahri Shayxontohur tumani Ko‘kcha Darvoza ko‘chasida yo‘l-transport hodisasi yuz berdi.
Haydovchi F.X. boshqaruvidagi "Tico" rusumli avtomashina harakatlanib ketayotgan vaqtda, yo‘lni belgilanmagan joydan yugurib kesib o‘tayotgan 2022-yilda tug‘ilgan voyaga yetmagan piyoda A.Sh.ni urib yuborgan.
Hodisa natijasida jabrlangan bolaga tez tibbiy yordam ko‘rsatilgan.
Hozirda holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda. Rasmiy ma’lumotlarga ko‘ra, qo‘shimcha tafsilotlar tekshiruv yakunlariga ko‘ra aniqlashtiriladi.
