Toshkentda Malibu kapotida raqsga tushgan erkak jazolandi
U, shuningdek, Malibu avtomobilini boshqa raqam bilan boshqargan.
Ijtimoiy tarmoqlarda Malibu avtomobilining kapotida raqsga tushayotgan erkak videosi tarqalgandi. Holat yuzasidan Toshkent shahar YHXB rasmiy munosabat bildirdi.
Hozirda huquqbuzar qo‘lga olingan. Aniqlanishicha, Malibu avtomobili Damas‘ga tegishli davlat raqam belgisi bilan harakatlangan. Avtomobil jarima maydonchasiga joylashtirilgan.
Huquqbuzarga nisbatan Maʼmuriy javobgarlik to‘g‘risidagi kodeksning 125-moddasi 6-qismi (Transport vositalaridan foydalanish qoidalarini buzish) bilan hujjatlar rasmiylashtirilgan.
“Men jarohat olishim ham mumkin edi, bu yaqinlarim uchun ham og‘ir bo‘lardi. Oilam ham qiynalardi. Qilgan ishimdan afsusdaman. Boshqa bunday qilmayman. Trend uchun bunday ish qilish kerak emas ekan. Trend ortidan quvsang, o‘zingga, hamyoningga va oilangga ziyon yetkazishing mumkin ekan”, - deydi u.
