Uchtepada noqonuniy qurilish ishi to‘xtatildi
Qurilish inspeksiyasi tomonidan 13 marta o‘tkazilgan tekshiruvda loyihaviy me’yorlar buzilgani aniqlandi.
Toshkent shahri Uchtepa tumanida “Great Vertex” kompaniyasi tomonidan qurilayotgan ko‘p qavatli turar joy majmuasi loyihadagi belgilangan me'yorlar buzilgani sababli to‘xtatildi.
Rasmiy ma’lumotlarga ko‘ra, majmua avvaldan avtoturargoh joylashgan hududda qurilayotgan bo‘lib, 2025-yil 28-fevralda qavatlar sonini oshirish bo‘yicha berilgan so‘rov rad etilganiga qaramay, qurilish davom ettirilgan.
Qurilish inspeksiyasi tomonidan 13 marotaba o‘tkazilgan tekshiruvlar natijasida loyihada belgilangan me’yordan ortiq qavatlar qurilgani aniqlangan va mas’ul shaxsga ma’muriy bayonnoma rasmiylashtirilgan.
Hozirda barcha ishlar to‘xtatilgan bo‘lib, qonunbuzarliklar bartaraf etilmagunicha, qurilishga ruxsat berilmaydi.
