Sherzod Asadov kommunikatsiyalar bo‘yicha yangi lavozimga tayinlandi
O‘zbekiston Respublikasi Prezidentining tegishli farmoni bilan Prezident Administratsiyasida bir qator tayinlovlar amalga oshirildi.
Bugun, 14-iyul kuni O‘zbekiston Prezidenti administratsiyasida bir qator lavozim o‘zgarishlari amalga oshirildi. Davlat rahbarining tegishli farmoniga muvofiq, bir nechta yangi departamentlarga rahbarlar tayinlandi, ayrim rahbarlar esa boshqa lavozimlarga o‘tkazildi yoki ozod etildi.
Sherzod Asadov yangi tashkil etilgan Kommunikatsiyalar departamenti rahbari — O‘zbekiston Prezidentining matbuot kotibi lavozimiga tayinlandi. Shu munosabat bilan u avvalgi matbuot kotibi lavozimidan ozod etildi.
Yana bir qancha muhim tayinlovlar:
Alisher Samadov — Prezident Administratsiyasining Huquqiy ekspertiza va kompleks tahlil qilish departamenti rahbari bo‘ldi. U prezident maslahatchisi o‘rinbosari lavozimidan ozod etildi.
Doniyor Qodirov — Jamoat xavfsizligi va qonun ustuvorligi bo‘yicha departamentga rahbar etib tayinlandi.
Gayane Umerova — Kreativ iqtisodiyot va turizm yo‘nalishi bo‘yicha yangi departament rahbari bo‘ldi.
Nodirjon Abdurahimov — Yig‘ilish va hududlarga tashriflar uchun tahliliy kontent tayyorlash departamentiga rahbarlik qiladi.
Bobur Xo‘jayev — Moliyaviy texnologiyalar, raqamlashtirish va sun’iy intellekt bo‘yicha departament boshlig‘i etib tayinlandi.
Ella Jahongirova — Tadbirlarni tashkillashtirish departamenti rahbarligiga tayinlandi.
Zilemxan Haydarov — Administratsiya Ishlar boshqarmasining yangi rahbari bo‘ldi.
Bu o‘zgarishlar Prezident administratsiyasining ichki tuzilmasini yangilash va samaradorligini oshirishga qaratilgan.
