Toshkentda yirik yong‘in yuz berdi
Yong‘in salkam bir soat ichida o‘chirilgan.
Ijtimoiy tarmoqda Toshkent shahrining Chilonzor tumanidagi Magic city hududida kuchli portlash va yong‘in yuz bergani aytilgan video tarqalmoqda. Holat yuzasidan shahar Favqulodda vaziyatlar boshqarmasi rasmiy maʼlumot berdi.
Qayd etilishicha, bugun, 15 iyul kuni soat 14:17 larda Chilonzor tumani Chilonzor ko‘chasidagi ochiq maydonda quruq o‘t, eski avtomobil shinalari yonayotganligi to‘g‘risida xabar kelib tushgan.
Shunga ko‘ra, yong‘in-qutqaruv texnikalari aytilgan manzilga soat 14:25 da yetib borib, yong‘in 14:52 da qurshab olingan va 15:06 da olov o‘chirilgan. Yong‘in oqibatida jabrlanganlar yo‘q.
