O‘qishni ko‘chirish uchun o‘tish ballari e’lon qilindi
2025/2026-o‘quv yili uchun maxsus sinovlar bo‘yicha belgilangan ballar tasdiqlandi.
Oliy ta’lim, fan va innovatsiyalar vazirligi 2025/2026-o‘quv yili uchun talabalar o‘qishini ko‘chirish bo‘yicha o‘tish ballarini tasdiqladi.
Bu ballar xorijiy va nodavlat oliy ta’lim muassasalaridan respublika davlat universitetlari va institutlariga o‘qishini ko‘chirmoqchi bo‘lgan talabalar uchun amal qiladi. Maxsus sinovlar orqali o‘tkaziladigan ushbu jarayon uchun o‘tish ballari vazirlik va idoralarning takliflari asosida shakllantirilgan.
Har yili bo‘lgani kabi, bu yil ham o‘tish ballari talabalar raqobatini hisobga olgan holda belgilandi. Endi xorijdan yoki nodavlat universitetlardan davlat OTMlariga o‘tmoqchi bo‘lgan talabalar shu ballarga mos kelishi kerak.
