Angrenda zo‘rlangan qiz haqida xabar bergan shifokorga jinoiy ochildimi?
Tarmoqda tarqalgan xabarlarga Bosh prokuratura oydinlik kiritdi.
Avvalroq Toshkent viloyatining Angren shahrida 14 yoshli voyaga yetmagan qiz 4 nafar yigit tomonidan muntazam zo‘rlab kelingani haqida xabar berilgandi.
Shundan so‘ng ijtimoiy tarmoqda holat doirasida qiz hayotini saqlab qolgan shifokorga nisbatan shaxsiy maʼlumotlarni tarqatgani uchun prokuratura jinoyat ishi qo‘zg‘atmoqchi ekanligi haqida xabarlar tarqaldi.
Bu bo‘yicha Bosh prokuratura matbuot xizmati rasmiy bayonot berib, mazkur xabarlar mutlaqo asossiz bo‘lib, haqiqatga to‘g‘ri kelmasligini maʼlum qildi.
