INNO Texnoparkda - texnologik kashfiyotlar
Respublika tanlovi doirasida texnologik g‘oyalar taqdim qilindi, g‘oliblar elektromobil va xorijda stajirovka bilan taqdirlanadi.
Bugun Oliy ta’lim fan va innovatsiyalar vazirligi tomonidan tashkil etilgan Inno innovatsion oʻquv-ishlab chiqarish texnoparkida muhandislik sohasida respublika tanlovi doirasida loyihalar taqdimoti bo’lib o’tdi.
Tanlovda “Eng yaxshi g’oya” “Eng yaxshi loyiha” va “Eng yaxshi ixtiro”nominatsiyalarida g’olib bo’lgan ishtirokchilarga: elektromobil, xorijda stajirovka hamda BHMning 50 barobaridagi pul mukofoti bilan taqdirlanishi ko’zda tutilgan. Tanlov doirasida turli hududlardan tashrif buyurgan iste’dodli yoshlar o’z ixtirolari, muhandislar va texnologlar esa o‘z loyihalarini taqdim etdilar. Har bir loyiha kashfiyotchi tomonidan innovatsion yondashilgan bo’lib kreativ tarzda tayyorlangan.
Tanlovning taqdirlash marosimi joriy yilning 25-iyul sanasida o’tkazilishi rejalashtirilgan. Respublika bo’ylab o’tkazilayotgan bu kabi tanlovlar nafaqat texnopark balki yoshlar salohiyatini yuzaga chiqaradi hamda O’zbekiston innovatsion taraqqiyotining amaliy bosqichiga zamin yaratadi.
Yoshlar salohiyati va texnologik taraqqiyot — INNO Texnoparkda real qo‘llab-quvvatlanmoqda!
