Xorazmlik erkak birdaniga 130 mln so‘m aliment to‘ladi
Ota farzandlari voyaga yetguniga qadar bo‘lgan aliment pullarini oldindan to‘lab berish istagini bildirgan.
Fuqarolik ishlari bo‘yicha Urganch tumanlararo sudining sud buyrug‘iga asosan qarzdor M.O‘.dan R.S. foydasiga uch nafar voyaga yetmagan farzandlarining moddiy taʼminoti uchun aliment undirish belgilangan.
Ota aliment pullarini o‘z vaqtida to‘lab kelgan. Olib borilgan ijro harakatlari davomida aliment to‘lovlarini o‘z vaqtida to‘lab kelgan ota uch nafar farzandlarining moddiy taʼminoti uchun ular voyaga yetguniga qadar bo‘lgan aliment pullarini oldindan to‘lab berish istagini bildirgan.
Shunga ko‘ra, qarzdor va undiruvchining o‘zaro kelishuviga asosan, voyaga yetmagan uch nafar farzandlar to ular voyaga yetguniga qadar bo‘lgan davr uchun 130,0 mln. so‘m miqdorida aliment pullari undirilib berilishi taʼminlandi.
