O‘zbekiston Jurnalistlar uyushmasi Xalqaro jurnalistlar uyiga a’zo bo‘ldi
Xitoyda o‘tkazilgan xalqaro media-forumda dunyoning 60 ga yaqin mamlakatidan media vakillari ishtirok etdi.
Xitoyning Szyansi provinsiyasida “Matbuotning kuchi: sivilizatsiyalararo muloqot va global modernizatsiyaga jurnalistlarning ta’siri” mavzusida xalqaro media-forum bo‘lib o‘tdi.
Forumda AQSh, Germaniya, Fransiya, Xitoy, Rossiya, Bolgariya, Belarus kabi dunyoning 60 ga yaqin mamlakatidan 100 nafardan ortiq ommaviy axborot vositalari vakillari, media tashkilotlar rahbarlari va ekspertlar ishtirok etdi.
Tadbir ishtirokchilari o‘zaro muloqot, tajriba almashish, global jurnalistikadagi yangi yo‘nalishlar bilan tanishish va sohadagi dolzarb muammolarga yechim izlash yuzasidan fikr almashdi.
Forum doirasida O‘zbekiston Jurnalistlar uyushmasi Xalqaro jurnalistlar uyiga a’zo etib qabul qilindi. A’zolik diplomini tadbirda ishtirok etgan Uyushma raisi Xolmurod Salimov tantanali tarzda qabul qilib oldi.
