Endi O‘zbekistonda byudjetni sunʼiy intellekt nazorat qiladi
Bu orqali kamchiliklarni keltirib chiqarayotgan omillarni ildizidan bartaraf etish reja qilingan.
Hisob palatasining faoliyati va ijro tizimini takomillashtirish bo‘yicha taqdimotda so‘nggi olti oydagi audit natijalar eʼlon qilindi. Unga ko‘ra, 5,6 trln so‘m samarasiz byudjet xarajatlari qisqartirilgan, 5 trln so‘mlik qo‘shimcha tushum manbalari aniqlangan. Shuningdek, “Masofaviy audit” axborot tizimi orqali 4 trln so‘mlik moliyaviy kamchiliklar bartaraf etilgan.
Endilikda tizimga sunʼiy intellektni joriy etish orqali kamchiliklarni keltirib chiqarayotgan omillarni ildizidan bartaraf etish vazifasi qo‘yildi. Rejalardan biriga ko‘ra sunʼiy intellekt orqali byudjet nazorati kuchaytiriladi. Yaʼni, tizimdagi kamchiliklarni sunʼiy intellekt aniqlaydi.
2023 yilda 12 ta vazirlikda tashkil etilgan situatsion markazlar samarasi tahlil qilinib, bu yil yana 10 ta vazirlik va idorada ham shunday markazlar tashkil etilishi belgilandi. Byudjet tashkilotlarida ichki audit va nazorat tizimlarini rivojlantirish, Hisob palatasi bilan axborot almashuvini kuchaytirish zarurligi qayd etildi.
