Toshkentda Shota Rustaveli va Bobur ko‘chalari chorrahasida vaqtinchalik harakat cheklovlari joriy etiladi
25-iyuldan 28-iyulgacha avtomobil va jamoat transporti harakati cheklanadi.
2025-yil 25-iyul soat 22:00 dan 28-iyul soat 03:00 gacha Toshkent shahri Shota Rustaveli va Bobur ko‘chalari chorrahasida transport harakati vaqtincha cheklanadi.
25-iyul soat 22:00 dan 26-iyul soat 06:00 gacha:
— Bobur ko‘chasining Shota Rustaveli chorrahasidan Nukus ko‘chasigacha bo‘lgan bir yo‘nalishdagi qismi yopiladi. Bu vaqtda chorrahada faqat o‘ngga burilish mumkin bo‘ladi.
25-iyul soat 22:00 dan 28-iyul soat 03:00 gacha:
— Bobur ko‘chasidan to‘g‘ri va chapga harakatlanish taqiqlanadi — faqat o‘ngga burilishga ruxsat etiladi.
— Shota Rustaveli ko‘chasidan chapga burilish taqiqlanadi, faqat to‘g‘ri va o‘ngga harakatlanish mumkin bo‘ladi.
Harakatdagi cheklovlar tufayli ayrim avtobus yo‘nalishlari vaqtincha o‘zgaradi. Avtobuslar yangi yo‘nalishlar bo‘yicha harakatlanadi, bu haqda batafsil ma’lumot rasmlarda yoki rasmiy manbalarda taqdim etiladi.
Haydovchilar va yo‘lovchilardan belgilangan tartiblarga qat’iy rioya qilish so‘raladi.
