Mo'ynoqda yerdan katta miqdorda tabiiy gaz otilib chiqdi
Mas’ul rahbarlar yetib borgan, yong‘in bo‘lishining oldini olish maqsadida chora-tadbirlar olib borilmoqda.
Kecha, 26 iyul kuni 21:30 larda Qoraqalpog‘iston Respublikasi, Moynoq tumanida joylashgan “O‘zbekneftgaz” AJga qarashli quduqdan tabiiy gaz otilib chiqqan.
Zamon.uz’ga ma’lum bo‘lishicha, chuqurlikda burg‘ulash ishlari olib borilayotgan vaqtda avariya sodir bo‘lib, tabiiy gaz otilib chiqishi yuzaga kelgan.
Hozirgi vaqtda ham tabiiy gaz otilib chiqmoqda, yong‘inning oldini olish maqsadida chora-tadbirlar olib borilmoqda.
Hozircha voqea joyida yong‘in sodir bo‘lmagan.
Avariyani bartaraf etish ishlariga barcha mas’ul tashkilotlar va texnikalar safarbar qilingan.
“O‘zbekneftgaz” AJ boshqaruv raisi va raisning o‘rinbosari voqea joyiga yetib borishgan.
