Arab davlatlari HAMASni G‘azoda hokimiyatdan ketishga chaqirdi
Hujjatda, shuningdek, qurollarni Falastin maʼmuriyatiga topshirish aytilgan.
DPA agentlikning xabar berishicha, Misr, Qatar, Saudiya Arabistoni va Iordaniya HAMAS guruhini G‘azo sektoridagi boshqaruvdan voz kechishga va xalqaro qo‘llov ostida qurollarni Falastin maʼmuriyatiga topshirishga chaqiruvchi hujjatni imzoladi.
Yetti betdan iborat hujjatda, boshqa jihatlar bilan bir qatorda, HAMASning 2023 yil 7 oktyaabrda Isroilga qilgan hujumi qoralangan. Uni Buyuk Britaniya, Fransiya, Kanada, Braziliya, Italiya, Ispaniya, Norvegiya va Irlandiya ham imzolagan.
Hujjatda Isroil tomoniga ham chaqiriqlar mavjud, deb yozadi DPA agentligi. Xususan, Isroildan G‘azoda jangovar harakatlarni darhol to‘xtatishni va Iordan daryosining G‘arbiy Sohilida yahudiy ko‘chmanchilarining faoliyatini to‘xtatish talab qilinmoqda. Hujjatga imzo chekkan davlatlarning fikricha, Falastin davlatini tan olish ham “ikki xalq - ikki davlat” yechimining muhim va ajralmas qismi hisoblanadi.
Nyu-Yorkda ikki davlat yechimi bo‘yicha konferensiya davomida imzolangan hujjat sentyabrda BMT tomonidan rasmiy ravishda qabul qilinishi kutilmoqda.
