Prezident farmoni bilan Po‘lat Bobojonov yangi lavozimga tayinlandi

O‘zbekiston Respublikasi Prezidenti Farmoniga muvofiq davlat boshqaruvi tizimida qator kadrlar o‘zgarishi ro‘y berdi. Quyidagi shaxslar yangi lavozimlarga tayinlandi:

 

Po‘lat Bobojonov – Prezidentning kadrlar bo‘yicha maslahatchisi o‘rinbosari etib tayinlandi. Shu munosabat bilan u ilgari egallab turgan Prezidentning kadrlar siyosati masalalari bo‘yicha maslahatchisi birinchi o‘rinbosari lavozimidan ozod etildi.

 

Galina Saidova – Prezidentning iqtisodiy siyosat bo‘yicha maslahatchisi o‘rinbosari lavozimini egalladi. Shu asosda u iqtisodiyot, investitsiyalar va tashqi savdo masalalari bo‘yicha maslahatchi o‘rinbosari lavozimidan ozod etildi.

 

Obid Hakimov – Prezidentning iqtisodiy siyosat bo‘yicha maslahatchisi o‘rinbosari hamda Iqtisodiy tadqiqotlar va islohotlar markazi direktori lavozimlariga tayinlandi. U ilgari egallab turgan ikkala lavozimdan ham ozod etildi.

 

Abdusalam Azizov – Prezidentning vakillik organlari, NNTlar, din va yoshlar masalalari bo‘yicha maslahatchisi o‘rinbosari lavozimiga tayinlandi. U ilgari ijtimoiy-siyosiy, diniy-ma’rifiy va yoshlar masalalari bo‘yicha maslahatchi o‘rinbosari lavozimidan ozod qilindi.

 

Muzaffar Kamilov – Prezidentning vakillik organlari, NNTlar, din va yoshlar masalalari bo‘yicha maslahatchisi o‘rinbosari lavozimini egalladi.

 

Rustam Kamilov – shu yo‘nalishdagi maslahatchi o‘rinbosari lavozimiga tayinlandi. Shu munosabat bilan u Prezident Administratsiyasining AKT va jamoatchilik loyihalari bo‘yicha sho‘ba mudiri lavozimidan ozod qilindi.

 

Javlon Vahabov – Prezidentning tashqi siyosat bo‘yicha maslahatchisi o‘rinbosari, shuningdek, Markaziy Osiyo xalqaro instituti direktori lavozimiga tayinlandi.

 

Bahodir Toshmatov – Prezident huzuridagi Xavfsizlik kengashi kotibi o‘rinbosari lavozimiga tayinlandi. Shu munosabat bilan u Qurolli Kuchlarni rivojlantirish masalalari bo‘yicha kotib o‘rinbosari lavozimidan ozod qilindi.

 

Kamoliddin Mardonov – Prezident Administratsiyasining Huquqiy ekspertiza va kompleks tahlil qilish departamenti boshlig‘ining birinchi o‘rinbosari etib tayinlandi. Shu munosabat bilan u ilgari egallab turgan agrosanoat va suvdan foydalanish sohalariga doir tashabbuslarni ishlab chiqish sho‘basi mudiri lavozimidan ozod qilindi.

 

Ulug‘bek Xanaev – Huquqiy ekspertiza va kompleks tahlil qilish departamenti boshlig‘i o‘rinbosari – Bosh yuriskonsult lavozimiga tayinlandi. Shu munosabat bilan u Prezidentning huquqiy masalalar bo‘yicha maslahatchisi birinchi o‘rinbosari lavozimidan ozod qilindi.

 

Eldor Hamroyev – Huquqiy ekspertiza va kompleks tahlil qilish departamenti boshlig‘i o‘rinbosari etib tayinlandi. Shu bilan birga, u yer munosabatlari va xususiy mulkni himoya qilish sohasidagi tashabbuslar sho‘basi mudiri lavozimidan ozod etildi.

 

Aziz Azimov – Jamoat xavfsizligi va qonun ustuvorligi bo‘yicha departament boshlig‘ining birinchi o‘rinbosari etib tayinlandi. U ilgari AKT va jamoatchilik loyihalari sho‘basining bosh konsultanti bo‘lib ishlagan.

 

Sergey Gordeev – Jamoat xavfsizligi va qonun ustuvorligi departamenti boshlig‘i o‘rinbosari etib tayinlandi. Shu munosabat bilan u Ichki ishlar va bojxona organlari faoliyatini muvofiqlashtirish sho‘basi mudiri lavozimidan ozod qilindi.

 

Gulruxsor Xatamova – Kommmunikatsiyalar departamenti boshlig‘ining birinchi o‘rinbosari lavozimini egalladi. Shu bilan birga, u Jamoat fikrini o‘rganish va tahlil qilish sho‘basi mudiri lavozimidan ozod etildi.

 

Farrux Omonov – Kommmunikatsiyalar departamenti boshlig‘i o‘rinbosari etib tayinlandi. U ilgari Axborot ta’minoti va OAV bilan aloqalar sho‘basiga rahbarlik qilgan.

 

Rustam Mirzayev – Kommmunikatsiyalar departamenti boshlig‘i o‘rinbosari etib tayinlandi. Shu munosabat bilan u Prezident huzuridagi Xavfsizlik kengashi apparatining axborot-targ‘ibot va mafkuraviy tadbirlar sho‘basi mudiri lavozimidan ozod qilindi.

 

Mazkur tayinlovlar kadrlar salohiyatini oshirish, davlat boshqaruvi tizimida mutaxassislik yondashuvini kuchaytirish maqsadida amalga oshirildi.