“UzAuto Motors” shartnomalarida qonunga nomuvofiq holatlar aniqlandi
Raqobat qo‘mitasi tomonidan ular qonun talablariga muvofiqlashtirildi.
Raqobat qo‘mitasi tomonidan “UzAuto Motors” AJning dilerlik korxonalari taqdim etayotgan shartnomalari (8 ta band va 45 ta kichik banddan iborat) o‘rganilganda qonunchilikka nomuvofiq holatlar mavjudligi aniqlandi.
Tahlil natijasida “UzAuto Motors” AJni jalb qilgan holda shartnomaning 21 ta kichik bandi qonun talablariga muvofiqlashtirildi.
Jumladan, pulni qaytarish muddati avval qo‘shimcha shartnoma imzolangan kundan boshlab 30 kun bo‘lgan. Endilikda 10 kun muddatga qisqartirildi.
Avtomobilni yetkazib berish kechikishi avval Ishlab chiqaruvchiga bog‘liq bo‘lmagan hollarda, ishlab chiqarishda vaqtincha uzilish yuz bersa, avtomobilni yetkazib berish muddati 3.1-bandida belgilangan muddatdan 45 kungacha uzaytirilishi mumkinligi sotuvchining majburiyatlari bo‘limida belgilangan edi.
Endilikda Ushbu band fors-major bo‘limiga ko‘chirildi.
Takroran shartnoma tuzish holati avval bir rusumdagi avtomobil uchun bir yilda qayta shartnoma tuzish holati aniqlanganda, avtomobilni yetkazib berish muddati qo‘shimcha 120 kungacha uzaytirilishi mumkin edi. Endilikda bu band to‘liq olib tashlandi.
Shuningdek, shartnomada sotuvchining qonunchilikda belgilangan majburiyatlari ham aniq belgilab qo‘yildi.
