Bo‘stonliqdagi adirlikda yana yong‘in chiqdi
Hozirda yong‘inni bartaraf etish ishlari olib borilmoqda.
Bugun, 31 iyul kuni Toshkent viloyatining Bo‘stonliq tumanidagi adirlikda yong‘in yuz berdi. Bu haqida Favqulodda vaziyatlar vazirligi xabar qildi.
Qayd etilishicha, soat 13:00 da Bo‘stonliq tumani “Burchmulla” MFYda joylashgan “Burchmullo” o‘rmon xo‘jaligiga qarashli qir-adirlikda quruq o‘t yonayotganligi to‘g‘risida xabar kelib tushgan.
Hozirda voqea joyida Toshkent viloyati yong‘in-qutqaruv bo‘linmalari hamda O‘rmon xo‘jaligi xodimlari yong‘inni bartaraf etish ishlarini olib borishmoqda.
“Qo‘shimcha maʼlumot taqdim etiladi”, deyiladi rasmiy xabarda.
