Samodan qaytmagan "yulduzlar": "Paxtakor-79" fojiasiga 46 yil bo‘ldi

1979-yil 8-avgustda “Paxtakor” Voroshilovgradning “Zarya” jamoasini 3:1 hisobida mag‘lubiyatga uchratadi. Ushbu o'yin “Paxtakor”ning o‘sha vaqtdagi tarkibi uchun eng so‘nggi bo'ldi.

 

11 avgust kuni Toshkent-Guryev-Donesk-Minsk yo‘nalishida parvoz qilayotgan TU-134 samolyoti, Chelyabinsk-Kishinyov reysini bajarayotgan yana bir TU-134 samolyoti bilan 8 400 metr balandlikda to‘qnashib ketdi. Halokat oqibatida ikki samolyot bortida bo‘lgan jami 178 kishi halok bo‘ldi. Ular orasida o‘sha vaqtda o‘zbek futbolining faxri sanalgan "Paxtakor" jamoasining 17 nafar tarkibiy a’zosi ham bor edi.

 

Bu voqea futbol ixlosmandlari va butun O‘zbekiston sport jamoatchiligi uchun og‘ir yo‘qotish bo‘ldi. O‘sha mavsumda “Paxtakor” yuqori natijalar ko‘rsatib, Sovet chempionatida kuchli jamoalar qatoriga kirish imkoniga ega edi. Mutaxassislar esa yaqin yillarda klub Yevrokuboklarda ham o‘ynashi mumkinligini taxmin qilayotgandi.

 

Fojia to‘g‘risida birinchi xabar havoda bo‘lgan AN-2 samolyoti ekipaji tomonidan berilgan:

 

"Kurilovka hududida qulayotgan samolyot qismlari ko‘zga tashlanmoqda. Menimcha, bu TU-134 parchalari."

 

Ushbu yo‘qotish o‘sha mavsumda ishonchli o‘yin ko‘rsatib kelayotgan va kelajakda Yevrokuboklarda qatnashishi kutilgan jamoa uchun og‘ir zarba bo‘ldi.

 

Halok bo‘lgan "Paxtakor" a’zolari:

 

Idgay Tazetdinov — murabbiy

 

Vladimir Chumakov — shifokor

 

Mansur Tolibjonov — ma’mur

 

Mixail An — yarim himoyachi

 

Vladimir Fyodorov — hujumchi

 

Olim Ashirov — himoyachi

 

Ravil Agishev — himoyachi

 

Konstantin Bakanov — yarim himoyachi

 

Yuriy Zagumennix — himoyachi

 

Aleksandr Korchyonov — yarim himoyachi

 

Nikolay Kulikov — himoyachi

 

Vladimir Makarov — yarim himoyachi

 

Sergey Pokatilov — darvozabon

 

Viktor Churkin — hujumchi

 

Sirojiddin Bozorov — hujumchi

 

Shuhrat Eshbo‘tayev — hujumchi

 

Vladimir Sobirov — hujumchi

 

Ularning mardligi, fidoyiligi va sportga sadoqati hech qachon unutilmaydi.