Bo‘ka tumanida 12,5 ming xonadon gazsiz qoldi
Yuqori bosimli gaz quvuri shikastlanishi oqibatida ta’minot vaqtincha to‘xtatilgan.
18 avgust kuni soat 21:40 da Bo‘ka tumanidan o‘tgan yer osti yuqori bosimli gaz quvuriga ekskavator shikast yetkazdi. Hodisa oqibatida tumanda tabiiy gaz ta’minoti to‘xtatildi.
Rasmiy ma’lumotlarga ko‘ra, 12 ming 512 ta xonadon va 267 ta yirik iste’molchi gazsiz qolgan. Hozirda hududda gaz ta’minoti xodimlari tomonidan ta’mirlash ishlari olib borilmoqda.
Mutasaddilar ta’mirlash ishlari yakunlangach, gaz ta’minoti bosqichma-bosqich qayta tiklanishini ma’lum qildi.
Energetika vazirligi aholi va korxonalardan vaqtinchalik noqulayliklar uchun uzr so‘rab, xavfsizlik qoidalariga qat’iy amal qilishni, gaz jihozlariga e’tiborli bo‘lishni so‘radi.
