Rossiyada xorijiy platformalarga kirish bosqichma-bosqich cheklanmoqda
Cheklovlar bosqichma-bosqich kengayib, ayrim xizmatlarning to‘liq bloklanishi ham mumkinligi aytilmoqda.
Rossiya hududida noyabr oyining oxiri va dekabr oyining dastlabki kunlarida bir qator xorijiy platformalarga kirishni cheklash bo‘yicha choralar kuchaytirildi.
Dastlab, 28-noyabrdan boshlab WhatsApp messenjerida xabar almashish va qo‘ng‘iroq qilish xizmatlarida uzilishlar kuzatila boshladi. Roskomnadzor axborotiga ko‘ra, platformaning Rossiya qonunchiligini buzganligi sababli unga nisbatan cheklovlar joriy etilgan. Messenjerning to‘liq bloklanishi ham istisno emasligi ta’kidlanmoqda.
Shuningdek, 3-dekabr kuni Roblox onlayn o‘yin platformasi to‘liq bloklandi. Vakolatli idora xabariga ko‘ra, xizmatda taqiqlangan kontent – xususan, “LGBT tashviqoti” elementi aniqlangan.
Oradan bir kun o‘tib, 4-dekabr kuni FaceTime va Snapchat xizmatlari ham cheklovlarga duchor qildi. Ularning aytilishicha, FaceTime’ning firibgarlik va terrorchilik faoliyatlarini tashkil etishda, Snapchat’ning esa terroristik guruhlarga a’zolar yollashda foydalanilgani qayd etilgan.
Roskomnadzor xorijiy platformalar faoliyati ustidan nazorat kuchaytirilganini, milliy qonunchilik talablariga rioya qilinishi majburiyligini ma’lum qildi.
