Jahon

Yevropa Ittifoqi Qirg‘izistonga qarshi sanksiyalar joriy etishga tayyorlanmoqda

Qirg‘iziston Yevropa sanksiyalariga duch kelgan birinchi Markaziy Osiyo davlati bo‘lishi mumkin.

Yevropa Ittifoqi Qirg‘izistonga qarshi sanksiyalar joriy etishga tayyorlanmoqda

 

Yevropa Ittifoqi Rossiyaga ko‘rsatilayotgan yordam sababli Qirg‘izistonga qarshi ilk bor sanksiyalar joriy etish masalasini ko‘rib chiqmoqda. Bu haqda Bloomberg xabar berdi.

 

Manbalarga ko‘ra, mazkur choralar Rossiyaning Ukrainaga bostirib kirishi bilan bog‘liq sanksiyalarning 20-bosqichi doirasida muhokama qilinmoqda. Agar qaror qabul qilinsa, Qirg‘iziston Rossiyaga yordam bergani uchun Yevropa sanksiyalariga duch kelgan birinchi sobiq Sovet respublikasi bo‘lishi mumkin.

 

Bloomberg maʼlumotlariga ko‘ra, sanksiyalar Rossiyaga qarshi joriy etilgan cheklovlarni chetlab o‘tishga qarshi qaratiladi. Xususan, Qirg‘izistonga stanoklar va radioelektron uskunalar yetkazib berishni taqiqlash rejalashtirilmoqda. Bu kabi choralar ilk bor Yevroosiyo iqtisodiy ittifoqi (YEOII) va KXSHT aʼzosi bo‘lgan Markaziy Osiyo davlatiga nisbatan qo‘llanishi mumkin.

 

Tahlillarga ko‘ra, urush boshlanganidan buyon Qirg‘iziston Yevropadan Rossiyaga sanksiyalangan tovarlar qayta yo‘naltiriladigan muhim savdo markaziga aylangan. Brookings instituti hisob-kitoblariga ko‘ra, Yevropa davlatlaridan Qirg‘izistonga eksport hajmi keskin oshgan.

 

Shuningdek, Bloomberg maʼlumotiga ko‘ra, yangi sanksiyalar paketi Rossiya banklari, neft kompaniyalari, kriptovalyuta xizmatlari va uchinchi mamlakatlardagi moliyaviy institutlarga nisbatan qo‘shimcha cheklovlarni ham o‘z ichiga olishi mumkin.

 

Bundan tashqari, Yevropa Ittifoqi Rossiya neftini dengiz orqali tashishni to‘liq taqiqlash masalasini ham muhokama qilmoqda. Bu hozir amalda bo‘lgan “narx chegarasi” mexanizmini almashtirishi mumkin. 1 fevraldan boshlab mazkur narx chegarasi bir barrel uchun 44,1 dollar etib belgilangan.

Iordaniyada cherkovga qilingan hujum: uch nafar erkak o‘lim jazosiga hukm qilindi

Iordaniyada cherkovga qilingan hujum: uch nafar erkak o‘lim jazosiga hukm qilindi

Hujum 23-oktyabr kuni yunon pravoslav cherkovida dafn marosimi vaqtida sodir bo‘lgandi.

Hindiston–Xitoy ziddiyati: Dehli tog‘li hududlarda jangovar tayyorgarlikni kuchaytirmoqda

Hindiston–Xitoy ziddiyati: Dehli tog‘li hududlarda jangovar tayyorgarlikni kuchaytirmoqda

Hindiston–Tibet chegara politsiyasi tarkibidagi maxsus bo‘linmalar yaqin masofadagi janglar, tog‘li hududlarda harakatlanish va dronlardan foydalanish bo‘yicha tayyorgarlikdan o‘tkazilmoqda.

Meta qariyb 900 mln dollar jarimaga tortildi: kompaniya foydalanuvchilarning shaxsiy foto va videolariga roziliksiz kirgan

Meta qariyb 900 mln dollar jarimaga tortildi: kompaniya foydalanuvchilarning shaxsiy foto va videolariga roziliksiz kirgan

Meta qaror ustidan shikoyat qilishini bildirdi.

Janubiy Koreyada o‘zbekistonlik talaba qamaldi: u terrorchilik guruhini moliyalashtirishda ayblandi

Janubiy Koreyada o‘zbekistonlik talaba qamaldi: u terrorchilik guruhini moliyalashtirishda ayblandi

U Suriyadagi terrorchilik tashkiloti a’zosiga olti marta pul o‘tkazgan.

Ruandada deportatsiya markazi: Germaniya va yana to‘rt davlat kelishuvga tayyorlanmoqda

Ruandada deportatsiya markazi: Germaniya va yana to‘rt davlat kelishuvga tayyorlanmoqda

Tashabbus inson huquqlari tashkilotlarining tanqidiga sabab bo‘lmoqda.

Rossiya neft eksportiga zarba: Ukraina Samara viloyatidagi stansiyani nishonga oldi

Rossiya neft eksportiga zarba: Ukraina Samara viloyatidagi stansiyani nishonga oldi

Ukraina harbiylari ushbu obyektni Rossiyaning urushni moliyalashtirayotgan neft sanoati uchun muhim infratuzilma deb atagan.

Ukraina jang maydonida robotlardan foydalanmoqda: ular hujum va evakuatsiyaga jalb etilmoqda

Ukraina jang maydonida robotlardan foydalanmoqda: ular hujum va evakuatsiyaga jalb etilmoqda

Bunday qurilmalar nafaqat harbiy yuklarni tashish va evakuatsiya, balki granatomyot hamda tankka qarshi qurollar yordamida hujum operatsiyalariga ham jalb etilmoqda.

Telegram’dagi zaifliklar bo‘yicha bahs: Durov xakerlarni o‘z akkauntini buzishga chaqirdi

Telegram’dagi zaifliklar bo‘yicha bahs: Durov xakerlarni o‘z akkauntini buzishga chaqirdi

U shunchaki xabar olish orqali profilni egallab olish mumkinligi haqidagi da’volarni rad etdi.