Tramp AQSHga uchta yangi shtat qo‘shilishi haqida hazil qildi
AQSH prezidenti Grenlandiya, Kanada va Venesuelani AQSH shtatlari sifatida tilga oldi.
AQSH Prezidenti Donald Tramp mamlakatga uchta yangi shtat qo‘shilishi mumkinligi haqida hazil bilan fikr bildirdi. The Washington Post xabariga ko‘ra, 30-yanvar kuni Vashingtondagi kechki tadbirda prezident Grenlandiyani sotib olish niyatida ekanini, Kanadani 51-shtat, Grenlandiyani 52-shtat va Venesuelani 53-shtatga aylantirish mumkinligini hazil tariqasida aytgan.
Prezident Tramp Grenlandiyani “51-shtat qilish niyati yo‘qligini” taʼkidlab, bu faqat hazil ekanini bildirgan. U Grenlandiyaga bostirib kirish rejalari yo‘qligini, shunchaki sotib olishni ko‘zlayotganini qayd etdi. Shu bilan birga, Tramp hazil tariqasida Federal Rezerv Kengashi raisiga foiz stavkasini pasaytirmasa, sudga berishi mumkinligini bildirgan.
Avvalroq, Tramp Kanada, Grenlandiya va Venesuelaning Qo‘shma Shtatlarga qo‘shilishi haqida chizilgan xaritani ham namoyish etgan. Ushbu xaritada Oq uy rahbari Yevropa yetakchilariga Amerika bayrog‘i ranglariga bo‘yalgan hududlarni ko‘rsatgan. Prezident keyinchalik barcha bayonotlarini hazil sifatida talqin qilishni tavsiya etdi va “Bu hazil, bu komediya kechasi” deb izoh bergan.
