Surxondaryoda kartoshka ko‘rinishidagi 72 kg giyohvand modda aniqlandi

Afg‘onistondan O‘zbekistonga kirib kelgan yuk mashinasida kartoshka ko‘rinishida niqoblangan giyohvand modda aniqladi. Bu haqda Zamon.uz’ga DXX ma'lum qildi.

 

Ma’lum qilinishicha, Surxondaryo viloyati Termiz tumanida 2001-yilda tug‘ilgan fuqaroning boshqaruvidagi “MAN” yuk avtomashinasi Afg‘onistondan kirib kelgan paytda Davlat xavfsizlik xizmati (DXX) Chegara qo‘shinlari va Bojxona idoralari xodimlari hamkorligida tekshirilgan.

 

Tekshiruv davomida avtomashina yukxonasidagi kartoshkalar orasida kartoshka ko‘rinishida tayyorlangan 222 dona bo‘lak, jami 72,3 kg “gashish” moddasi yashirilgani aniqlangan va rasmiy ravishda hujjatlashtirilgan.

 

Dastlabki ma’lumotlarga ko‘ra, ushbu giyohvandlik vositalari Rossiyaga olib ketilayotgan bo‘lgan. Hozirda holat bo‘yicha surishtiruv ishlari olib borilmoqda.