Antaliya va’dasi ortidagi jinoyat: ikki qiz xorijga olib ketilayotganda to‘xtatildi
Holat yuzasidan jinoyat ishi qo‘zg‘atilib, tergov harakatlari olib borilmoqda.
Namangan viloyati Davlatobod tumanida yashovchi 1990 va 1993-yillarda tug‘ilgan ikki nafar ayol ikki qizni Turkiyaning Antaliya shahriga fohishalik bilan shug‘ullanish uchun yuborishni rejalashtirgani aniqlandi.
Ma’lum qilinishicha, ayollar qizlarning ishonchiga kirib, ularni “Toshkent–Antaliya” yo‘nalishi bo‘yicha xorijga jo‘natishni, u yerda topadigan daromadlarining yarmini esa o‘zlashtirishni ko‘zlagan.
Ular qizlarni Toshkent aeroportiga olib ketayotgan vaqtida Davlat xavfsizlik xizmati va ichki ishlar organlari xodimlari tomonidan Chust tumani hududida to‘xtatib qolingan.
Holat yuzasidan ikki ayolga nisbatan jinoyat ishi qo‘zg‘atilib, tergov harakatlari olib borilmoqda.
Shuningdek, 1990-yilda tug‘ilgan ayol avval ham shu turdagi jinoyatni sodir etgani uchun sudlangani ma’lum qilindi.
