Toshkentda voyaga yetmagan qiz o‘gay onasi tomonidan qiynoqqa solindi
Holat yuzasidan rasmiy ma’lumot berildi.
Ijtimoiy tarmoqlarda voyaga yetmagan qiz o‘gay onasi tomonidan qiynoqqa solinganligi haqida videomurojaati tarqaldi. Mazkur holat yuzasidan Toshkent shahar IIBB rasmiy ma’lumot berdi.
Ma’lum qilinishicha, 1985 yilda tug‘ilgan N.Sh. Yunusobod tumanida joylashgan yashash xonadonida o‘gay farzandi 2013 yilda tug‘ilgan N.G. ni bir necha marotaba urib, jismoniy tazyiq o‘tkazgan. Mazkur holat yuzasidan jabrlanuvchi dastlab IIOga murojaat qilmagan.
Hozirda voyaga yetmagan jabrlanuvchi Toshkent shahar IIBB Voyaga yetmaganlarga ijtimoiy-huquqiy yordam ko‘rsatish markaziga joylashtirilib, davlat organlari tomonidan himoyaga olingan.
Mazkur holat yuzasidan Yunusobod tumani IIO FMB huzuridagi Tergov bo‘limi tomonidan gumonlanuvchi N.Sh. ga nisbatan O‘zbekiston Respublikasi Jinoyat kodeksining 110-moddasi («Qiynash») bilan jinoyat ishi qo‘zg‘atilgan.
