Saida Mirziyoyeva Ben Blek bilan uchrashdi
Muloqot davomida yirik loyihalar portfeli muhokama qilindi.
Prezident adminstratsiyasi rahbari Saida Mirziyoyeva АQSh Xalqaro moliyaviy taraqqiyot korporatsiyasi (DFC) bosh direktori Ben Blek bilan uchrashuv o‘tkazdi.
Ma’lum qilinishicha, muloqot davomida yirik loyihalar portfeli muhokama qilindi. DFC O‘zbekistonga amerikalik sarmoyadorlarni jalb etishga ko‘maklashadi hamda investitsiyaviy xatarlarning bir qismini o‘z zimmasiga oladi.
Shuningdek, 2026-yilda qo‘shma investitsiya platformasini ishga tushirish rejalashtirilgan.
6-aprel kuni Vashingtonda Amerika—O‘zbekiston ishbilarmonlik va investitsiya kengashi rasman ish boshladi. Ushbu kengash hamraislari Saida Mirziyoyeva va Serjio Gor o‘zaro anglashuv memorandumini imzoladi.
7-aprelda Saida Mirziyoyeva Vashingtonda AQSH davlat kotibi Marko Rubio bilan biznes-nonushta formatida uchrashuv o‘tkazdi.
