Hindistondagi pirotexnika fabrikasida sodir bo'lgan portlash oqibatida kamida 25 kishi halok bo'ldi
Dastlabki ma'lumotlarga ko'ra, portlash xavfsizlik qoidalarining buzilishi natijasida yuzaga kelgan.
Hindistonning janubiy qismida joylashgan Tamil Nadu shtatidagi pirotexnika fabrikasida yuz bergan kuchli portlash oqibatida kamida 25 kishi halok bo‘ldi. Bu haqda mahalliy politsiyaga tayanib TASS ma’lum qildi.
Ma’lumotlarga ko‘ra, hodisa sodir bo‘lgan vaqtda korxona hududida qariyb 40 nafar ishchi bo‘lgan. Portlash kuchi yuqori bo‘lgani sababli bir nechta ishlab chiqarish binolari vayron bo‘lgan.
Voqea oqibatida jarohatlanganlar shifoxonalarga olib ketilgan bo‘lib, ayrimlarining ahvoli og‘ir ekani bildirilmoqda.
Hodisa joyida qidiruv-qutqaruv ishlari davom ettirilmoqda. Mutasaddi idoralar tomonidan portlash sabablari yuzasidan tergov harakatlari boshlangan.
Dastlabki ma’lumotlarga ko‘ra, fojiaga xavfsizlik qoidalariga rioya etilmagani sabab bo‘lgan bo‘lishi mumkin.
