Toshkentdagi omborxonada yirik yong‘in yuz berdi
Voqea joyiga qutqaruv ekipajlari yetib borgan va yong‘in qurshab olingan.
Toshkent shahri Yashnobod tumanidagi omborxonada kuchli yong‘in sodir bo‘ldi. Bu haqda poytaxt FVBB xabar berdi.
Ijtimoiy tarmoqlarda tarqalayotgan videolarda yong‘in “Gumbaz” qurilish mollari bozori omborxonasida sodir bo‘layotgani aks etgan.
Ma’lum qilinishicha, 2026- yil 29-aprel kuni soat 17:05 da Yashnobod tumani Toshkent xalqa avtomobil yo‘li ko‘chasida joylashgan omborxonada yong‘in bo‘layotgani to‘g‘risida Toshkent shahar FVBBga xabar kelib tushgan. Xabarga asosan 17:08 ga qutqaruv ekipajlari yetib borgan.
Yong‘in soat 17:30 da qurshab olingan.
Xabarga ko‘ra, yong‘in oqibatida tan jarohati olganlar to‘g‘risida xabar kelib tushmagan.
