Samarqandda Media haftalik yakunlandi
Haftalik doirasida 700 nafardan ortiq ishtirokchi qamrab olindi, media sohasiga 84 nafar mobilograf va 109 nafar SMM mutaxassisi kirib keldi.
Samarqandda o‘tkazilgan Media haftalik doirasida 700 nafardan ortiq ishtirokchi qamrab olinib, besh kun davomida keng ko‘lamli trening va muhokamalar tashkil etildi.
Tadbir davomida 50 dan ziyod mavzu bo‘yicha 17 nafar malakali mentor ishtirokida debatlar va amaliy mashg‘ulotlar o‘tkazildi. Natijada media sohasiga 84 nafar mobilograf va 109 nafar SMM mutaxassisi kirib kelgani qayd etildi. Shuningdek, 300 nafar kontent yaratishga qiziquvchi yoshlar ham jarayonga jalb etildi.
Media forum doirasida 500 dan ortiq ishtirokchi ishtirok etib, sohada tizimli yondashuv, amaliy tajriba va ochiq muloqot muhiti shakllantirilgani ta’kidlandi.
Mazkur haftalik davomida olingan bilim va ko‘nikmalar, ilgari surilgan yangi yondashuvlar kelgusida hududiy media rivojida muhim omil bo‘lib xizmat qilishi kutilmoqda.
