Isroilda hukumatga qarshi norozilik namoyishlari boshlandi
Quddus, Tel-Aviv va Hayfada minglab fuqarolar ko‘chalarga chiqdi.
Isroilning bir qator yirik shaharlarida hukumat siyosatiga qarshi norozilik namoyishlari boshlandi. Xususan, Quddus, Tel-Aviv hamda Hayfa shaharlarida o‘tkazilayotgan aksiyalarda minglab fuqarolar ishtirok etmoqda.
Namoyishchilar Benyamin Netanyaxu boshchiligidagi hukumat faoliyatidan norozi ekanliklarini bildirgan. Ular, jumladan, 2023-yil 7-oktabr kuni Hamas tomonidan amalga oshirilgan hujum sabablarini mustaqil ravishda o‘rganish uchun maxsus hukumat komissiyasi tuzilishini talab qilmoqda.
Ma’lumotlarga ko‘ra, Tel-Avivdagi namoyishlarga bir qator fuqarolik harakatlari, jumladan “Kurash tashkilotlari forumi” hamda hujum qurbonlari oila a’zolarini birlashtirgan “Oktyabr kengashi” yetakchilik qilmoqda.
Eslatib o‘tamiz, 2023-yil 7-oktabr kuni Hamas tomonidan Isroil hududiga uyushtirilgan hujum oqibatida ko‘plab insonlar halok bo‘lgan va 250 nafarga yaqin shaxs garovga olingan. Shundan so‘ng Isroil tomoni G‘azo sektorida keng ko‘lamli harbiy amaliyot boshlagan edi.
