O‘zbekistonda ayollar erkaklardan ko‘pmi?
Eng yuqori ko‘rsatkich Namangan viloyatida qayd etilgan bo‘lib, u yerda har 1000 nafar ayolga 1034 nafar erkak to‘g‘ri keladi.
O‘zbekistonda 2026-yil 1-yanvar holatiga ko‘ra, har 1000 nafar ayolga o‘rtacha 1015 nafar erkak to‘g‘ri kelgan. Bu haqda Milliy statistika qo‘mitasi ma’lum qildi.
Qo‘mita ma’lumotiga ko‘ra, hududlar kesimida eng yuqori ko‘rsatkich Namangan viloyatida qayd etilgan bo‘lib, u yerda har 1000 nafar ayolga 1034 nafar erkak to‘g‘ri keladi.
Keyingi o‘rinlarda Qashqadaryo viloyati — 1029 nafar, Andijon viloyati — 1027 nafar va Navoiy viloyati — 1026 nafar bilan qayd etilgan.
Shuningdek, Surxondaryo viloyatida bu ko‘rsatkich 1025 nafarni tashkil etgan. Jizzax va Farg‘ona viloyatlarida — 1019 nafardan, Samarqand viloyatida — 1016 nafar erkak har 1000 nafar ayol hisobiga to‘g‘ri kelgan.
Qoraqalpog‘iston Respublikasida mazkur ko‘rsatkich 1010 nafarni tashkil etgan bo‘lsa, Sirdaryo viloyatida — 1009 nafar, Toshkent viloyatida — 1008 nafar, Buxoro viloyatida — 1006 nafar va Xorazm viloyatida — 1004 nafar etib qayd qilingan.
Toshkent shahri esa ro‘yxatda eng past ko‘rsatkichga ega hudud bo‘lgan. Poytaxtda har 1000 nafar ayolga 966 nafar erkak to‘g‘ri kelgan.
