Eldor Shomurodov Turkiya Superligasida eng ko‘p gol urgan futbolchi bo‘ldi
Futbolchi mavsum davomida 22 ta gol urib, 5 ta golli uzatmani amalga oshirgan.
O‘zbekiston milliy terma jamoasi hujumchisi Eldor Shomurodov Istanbul Bashakshehir klubi safida mavsum davomida 22 ta gol urib, 5 ta golli uzatmani amalga oshirgan.
Natijalarga ko‘ra, u Turkiya Superligasida to‘purarlar poygasida birinchi o‘rinni egalladi. Shomurodov mavsum yakunida maxsus mukofot va ramziy kartochka bilan taqdirlandi.
Ikkinchi o‘rinni Pol Onuachu egallagan. U ham 22 ta gol urgan bo‘lsa-da, gollarning bir qismi penaltilardan bo‘lgani sababli reytingda ikkinchi pog‘onada qayd etilgan.
Uchinchi o‘rinda esa Anderson Taliska (Fenerbahche) 19 ta gol va 4 ta golli uzatma bilan mavsumni yakunlagan. Viktor Osimhen hamda boshqa yetakchi hujumchilar 15 tadan gol bilan kuchli beshlikdan joy olgan.
Eldor Shomurodov 2025-yil yozida Italiyaning Roma klubidan İstanbul Bashakshehir safiga o‘tgandi.
Shomurodov 2021-yil yozida “Roma”ga transfer qilingan. U poytaxt klubi safida jami 85 ta uchrashuvda maydonga tushib, 13 ta gol muallifiga aylangan. 2023-yil yanvar oyida u Spetsiya klubiga ijara asosida o‘tgan va mavsumni shu jamoada yakunlagan. 2023/24 yilgi mavsumda esa Klaudio Raneri boshqaruvidagi Kalyari safida ijara asosida o'ynagan.
2025-yil yakunlariga ko‘ra, Eldor Shomurodov O‘zbekistonda “Yilning eng yaxshi futbolchisi” deb topilgandi.
