“Arsenal” 22 yillik tanaffusdan so‘ng Angliya chempioniga aylandi
Bu “Arsenal” tarixidagi 14-chempionlik unvoni bo‘ldi.
Londonning “Arsenal” futbol klubi “Manchester Siti” va “Bornmut” o‘rtasidagi uchrashuvning 1:1 hisobidagi durang natijasi evaziga mavsum yakunlanishiga bir tur qolganida chempionlikni rasman qo‘lga kiritdi. Bu haqda Championat nashri xabar berdi.
Mikel Arteta boshchiligidagi londonliklar so‘nggi uch mavsum davomida Premyer-ligada ikkinchi o‘rinni egallab kelayotgan edi. O‘tgan mavsumda jamoa “Manchester Siti” va “Liverpul” ortida qolgan bo‘lsa, bu safar mavsumning katta qismida turnir jadvalida yetakchilikni saqlab qoldi.
Aprel oyida “Manchester Siti”ga qarshi uchrashuvdagi mag‘lubiyatdan keyin chempionlik poygasi yana keskinlashgan edi. Biroq “Siti”ning navbatdagi turda ochko yo‘qotishi “Arsenal”ga uzoq kutilgan sovrinni muddatidan oldin taqdim etdi.
Mazkur chempionlik “Arsenal” tarixidagi 14-chempionlik unvoni bo‘ldi.
London klubi oxirgi marta 2003/2004-yilgi mavsumda Arsen Venger boshchiligida Premyer-liga g‘olibiga aylangan edi. O‘sha mavsumda jamoa birorta ham mag‘lubiyatga uchramay, futbol tarixida “Yengilmaslar” nomi bilan qolgan edi.
